رأيك فى الزول البسف تمباك

NOKIA · **مرسل:** الأحد إبريل 29, 2007 2:42 pm

السلام عليكم

(بالنسبه لى الاولاد ) عاوز رايك بصراحه فى الزول البسف تمباك وكمان لو جاك متقدم عاوز اختك وهو زول كويس

(بالنسبه لى البنات ) اتخيلى انو عريسك بسف تمباك وانت ماعارفاهو رغم انو زول كويس

نرجو الافاده عاجلا الموضوع مهم

wadah · **مرسل:** الأحد إبريل 29, 2007 3:05 pm

hamoOoS$ · **مرسل:** الأحد إبريل 29, 2007 3:10 pm

NOKIA · **مرسل:** الأحد إبريل 29, 2007 3:12 pm

رحيل القمر · **مرسل:** الأحد إبريل 29, 2007 3:13 pm

NOKIA · **مرسل:** الأحد إبريل 29, 2007 3:19 pm

wadah · **مرسل:** الأحد إبريل 29, 2007 3:20 pm

TA6O · **مرسل:** الأحد إبريل 29, 2007 3:28 pm

عذاب · **مرسل:** الأحد إبريل 29, 2007 4:14 pm

ســـ المزايين ـــت · **مرسل:** الأحد إبريل 29, 2007 4:18 pm

دي اصلا حاجه مقرفه

مشمش · **مرسل:** الأحد إبريل 29, 2007 4:18 pm

آآآآآآآآآآآآآآآآآآآآآآآآآآآآآآآآآآآآآآآآآآخر من أمسي لى مع زول يسف خليه يعرسنى لا حول الله حتى لو عرسنى واحد بيسف بشمأز منو>>>>>>>> قرررررررررررررررررررررررررررررررررررررررررررررررف

يعععععععععععععععععععععععععععع

أنا باكل يا ريتنى ما فتحت البوست ده

NOKIA · **مرسل:** الأحد إبريل 29, 2007 4:42 pm

مشكورين ياشباب بس الموضع دا كدا ممكن يخرب بيوت .. بس انا اتخيل لى انو لو الزول قدر يقنعو يكون احسن

fanta · **مرسل:** الأحد إبريل 29, 2007 4:56 pm

والله البتاع ده مقرف شديييييييييييييييييييييييييييييييييييييييييييييييييييييد

حاخليه يوقفو طبعا

لكن لو رفض دي تبقى حكاية تانية :twisted:

bit tabat · **مرسل:** الأحد إبريل 29, 2007 5:04 pm

اولا بالنسبه لي انا .. شي مقررررررررررررف جدا جدا.. كلو على بعضو حتى السجاير بالنسبه لي كلها حاجه واحده..

بس لو كان زوجي بسف و داسي مني قبل العرس

كان اصلا مستحيل تكون مدسوسه..

لانه انا من النساء... الغيوره جدا

وممكن افتش جيوبو و هو ما عارف. :lol:

. هيييييييي هوووووووووو

المهم.. بعرف من ريحه من مصيبة زمان.. بعرف

بعد داك.. بقول ليهو اختار..

انا و لا السفه.. :lol:

بس هو لو زكي.. بخليها.. و الموضوع انتهى. :lol:

.

تاني بشغل وقتو عشان.. اصلو ما يفكر فيها.. بطيرها ليهو في راسو.. :lol:

Musa · **مرسل:** الأحد إبريل 29, 2007 5:29 pm

wadah · **مرسل:** الأحد إبريل 29, 2007 5:35 pm

bit tabat · **مرسل:** الأحد إبريل 29, 2007 5:46 pm

Musa · **مرسل:** الأحد إبريل 29, 2007 6:08 pm

في ناس اعتادو على السجاير والتمباك من عمر مبكر .،. وديل صعب يتخلو عنو الا فعلا تجيهم صدمة قوية .،.
بس في نفس الوكت ماممكن ارفض زول عشان بس هو بسف .. بس في الحقيقة المفروض يكون هو صريح معاي من البداية عشان اقرر ( دا على لسان البنات طبعا )

يا جماعة والله الكتابة بالماوس صعبة ..وبالانجليزي ما بقدر اعبر كويس ..
لكن كلام اخير لو بريدا جد ( حرم اجيب ليها كيس السعوط معاي ) ولو بتريدني جد ما بتسيبني عشان سفة .،.عشان كدة ما خسارة لانها خلتني وانا عايش مشكلة .. بدل ما تساعدني .. تقعد تتأفف مني

mind zero · **مرسل:** الأحد إبريل 29, 2007 10:42 pm

زول ساي · **مرسل:** الاثنين إبريل 30, 2007 10:27 pm

ما قولكم في( زول ساي) الذي يمارس التمباك منذ قرابة العشرة اعوام :?:

ومن غير فلسفة كتيرة التمباك كعب وضررو الصحي واضح بالنسبة لي، كان قلت ليكم

بخلي اكون غشيتكم وكان قلت ليكم عاجبني اني اكون بسف برضو اكون غشيتكم

___________________________
دقيقة النرمي السفة دي واجي راجع

خوخة · **مرسل:** الاثنين إبريل 30, 2007 11:06 pm

[align=center]ولا حاجة
بس هاقول ليه
انشاءالله شلاليفك تقع[/align]

ziada_elfath_ziada · **مرسل:** الثلاثاء مايو 01, 2007 12:30 am

بعانخي · **مرسل:** الثلاثاء مايو 01, 2007 9:11 am

نوكيا شكراً للمره الثانية .......................... الموضوع هادف وبصراحه فيهوا نوع من الجديه والكوميديا فى نفس الوقت(بس كوميديا راقيه) ........................................

(الصعوط) ... ( التُمّباك) ...( الإصنوف) ... (الشمه) ... ( النشوق) .. ( افضل) كلها تسميات لشى واحد هو الصعوط او التمباك وقد تمددت هذه الآفة الإجتماعية الضارة من غرب السودان ( والغريب انو القبيلة المشهورة بزرع التمباك مافى واحد فيهم بيسف) لتشمل كل السودان ورويداً رويداً إنتشرت لتشمل اى مكان يتواجد فيهو السودانيين .. فى الخليج فى امريكا فى بريطانيا ... اى مكان وقد تعلم الاخوة السعوديين خصوصاً ناس جده ومكه الصعوط والشباب هناك بسموهوا (نشوق) ... ويُباع فى البقالات والمطاعم السودانية .... لا يختلف إثنان حول الضرر الصحى لهذا (القرف) كما اسميتوه ....... بس فى ملاحظة على كثير من الردود .... اجمع الغالبية الغالبة على انهم لن يتزوجوا من واحد بيسف صعوط ودا كضب

والله يجى عريس بيسف ولا ما بيسف (تكنكشو فيه كنكشه) وكلامى دا ما من فراغ خصوصاً بعد إطلاعى على كثير من البوستات ومن خلالها تتضح نوعاً ما نفسية الكثير بالذات فى بوست كدا ماعارف شفتو وين بيتكلم عن زواج وعزابه وحاجات من النوع دا .........................
نوكيا عُزراً كثيراً لو خرجت خارج النص بس اسمع القصة دى .... حقيقية 100% ....
اجمل طالبه تعرفت عليها فى جامعة الخرطوم بتسف ..... واكتسبت مهارة كبيرة فى وضع السفه تارةً فى الشفه الفوق وتارةً أُخرى فى الاسفل .... كانت تلك الحسناء (تتحنكش) فى وضع السفة فكانت تاتى بمنديل ورقى رهيف جداً وتضع شوية تمباك بعد عملية ( الدردمه) داخل الكيس ثم تضع السفه فى مكان سرى ... ثم المرحلة الاخيرة عملية تسوية وهذه العملية تتم بعد إخراج المرآة ( المرايا) من الشنطه اليدويه الخاصه بها .... كٌنا حينها برالمه .... لم اكمل الدراسة فى الجامعه لبعض الاسباب ... علاقتى بها انقطعت ماذا فعلت ؟؟ هل تزوجت؟؟ من واحد بيسف ولا لا ؟؟؟ لاادرى ..... نهاية الكلام دا البت دي فرحانه وماخده خازوق بالحرية ودا جا من انتماءها السياسى .... غريب جداُ فى ناس بتعتقد التقدم والحضارة والحرية هى بالانفلات والانفلات المباااااااااااح ...................... كلامى كتير لكن معليش ................
رأى أن التمباك عاده دميمه وقذرة إبتلا الله بها السودان واستشرت فى جميع قطاعات المجتمع السودانى ( السياسين .. الاطباء .. المهندسين .. العمال ..الخ) تقولوا لى ما بنعرس واحد بسف .. والله إلا كان تسوردوا من بره ودا هيبقى انتحاااااااااااااااااااااااااااااااااار ........... اتمنى لكم جميعاُ الصحه والعافيه وعرييييييييس مابيسف ولا بسجر ولا بسكر واتمنى من الشباب ترك تلك العاده رغماً انى اعرف انو من الصعب تركها لانها مزاج وكيف خصوصاً بعد كباية الشاى المنعنع ..... واتمنى من نفسى الامارة بالسوء ترك السجائر.. بعانخي.

The ZoOoOl · **مرسل:** الأربعاء مايو 02, 2007 3:37 am

kinatek · **مرسل:** الخميس مايو 03, 2007 2:00 am

الموضوع اتربط بى مواصفات العريس :lol:

طيب امكن يكون ما بسف لااكن احتمال تكون فيهو صفات العن امكن يكون منافق كزاب غشاش حتة امكن يكون بخون
والغشاش ماعندو علااج ولاالنفاق عندو علااج اما ازاكان بخون وبلعب من وراوراصدقونى حتفضل انو يسف :wink:

تسجيل الدخول

قوانين المنتدى

رأيك فى الزول البسف تمباك

الموجودون الآن