 |
| الكاتب |
رسالة |
|
ود الموية
|
عنوان المشاركة: هل نحن جنود في صف الصليبين..؟؟؟!!!  مرسل: الثلاثاء مارس 18, 2008 2:11 pm |
|
اشترك في: الثلاثاء فبراير 12, 2008 8:44 am
مشاركات: 1377
|
|
علاقتي بالمنتديات ما كتيرة..
بس مرات كتيرة ردودي بتتحسب على انها هجومية او (مكاجرة)..!!
يمكن عشان ما بعرف اجامل..وفي نفس الوقت ما بعرف اخلي الغلط وما ارد عليه..( حسب اعتقادي بس)..!!
مرات كتيرة بتجيني رسائل في الايميل..
او في التلفون..
او اقرا موضوع في منتدى..
كلها عن نصرة سيدنا محمد-ضد الدينمارك
1- بالنسبة لبكاء النبي (ص)
اول احساس جاني.. هل بيستحق الخنزير الرسم الكاريكتير انو يكون سبب في بكاء اشرف مخلوق؟؟؟؟
حسيت بانو الموضوع ملفق.. زي الاحلام البيقولوها
عن انو الرسول(ص) جاء لي شيخ في المنام وقال ليهو انذر امتي...الخ..
وفتحت الرابط.. سمعت..حسيت من بكا الزول انو صادق..
بس لسة المشكلة موجودة..الرسول(ص) يبكي عشان الخنزير ده ؟؟
"وَلَا يَحْزُنْكَ الَّذِينَ يُسَارِعُونَ فِي الْكُفْرِ إِنَّهُمْ لَنْ يَضُرُّوا اللَّهَ شَيْئًا يُرِيدُ اللَّهُ أَلَّا يَجْعَلَ لَهُمْ حَظًّا فِي الْآَخِرَةِ وَلَهُمْ عَذَابٌ عَظِيمٌ إِنَّ الَّذِينَ اشْتَرَوُا الْكُفْرَ بِالْإِيمَانِ لَنْ يَضُرُّوا اللَّهَ شَيْئًا وَلَهُمْ عَذَابٌ أَلِيمٌ" [آل عمران:176-177].
واضحة شديد الاية.............................!!!!!
دي واحدة...
2- كمية الرسائل الاتبادلناها عن مقاطعة الدينمارك
اولا تنفع تكون اكبر دعاية لمنتجات الدينمارك ذاتها..!!
ثانيا مكسب مبالغة للهوتميل والياهو..تفتكرو ارباحها ماشة وين؟؟؟
ده موضوعي......................................
اوريكم انا اتصرفت كيف..............
ولو في زول شايف اني غلط انا منتظر بفارغ الصبر اني اصحح موقفي.............!!
اول ما الرسائل جات في الايميل عملت ليها ارسال للجميع..!!
بعد فترة بقيت امسحها..!!
لانها ما بقت حملة ضد الدينمارك.. بقت عادة في الايميل..!!
وده معناهو اني بعمل في حاجتين..
دعاية للدينمارك.. وربح لشركات الانترنت..!!
افضل لي اكون مقصر في حق النبي(ص)
مما اكون بساعد في الكفرة ديل.. وباي وسيلة..!!
موضوع الاحلام عن النبي(ص)
بقيت اتجاهلها..
لاحساسي انها كاذبة..
افضل لي اكون مقصر برضو...
مما اكون كاذب على النبي (ص)..واتبوء مقعدي من النار..!!
3-الحرب المضادة بنشر صورة الرسام المشوهة..
رفضت تماما انو ارسلها لي زول..
لانو نحن حا نسب رسام كافر وخنزير..
واذا هم ردوا علينا تاني حا يسبو اشرف المرسلين..!!
(ولا تسبوا الذين يدعون من دون الله فيسبوا الله عدوا بغير علم كذلك زينا لكل أمة عملهم ثم إلى ربهم مرجعهم فينبئهم بما كانوا يعملون ) الأنعام 109
والرسول(ص)قال:لا يسب أحدكم أباه، قالوا أيسب أحدنا أباه يا رسول الله!
قال: يسب الرجل أبا الرجل فيسب الأخر أباه..
او كما قال (ص)
رئيس رابطة العالم الاسلامي في الدانمارك:::
أن مظاهرة سيقوم بها الدانماركيين في 4-2-2006 ضد المسلمين
وسيحرقون المصاحف فيها انتقاما من الذين حرقوا اعلامهم
ثم أن رئيس الرابطة جهش في البكاء ولم يستطع اكمال الحوار
تفتكرو انو نحن كده بنعمل في حاجة صح..!!!!!
الكلام كتير.. بس احسن يجي مع النقاش والردود..!!
وربنا عالم انو انا لو لقيت باب جهاد بعد ما اجاهد في (امي وابي)
ما حا اتردد ثانية...!!
ودمتم...........!!
_________________
آخر تعديل بواسطة ود الموية في الخميس يوليو 09, 2009 3:21 am، عدل 1 مرة
|
|
| أعلى |
|
 |
|
 |
|
