ريما جيت ودا ردي ليك :

البانت الجو الإفطار مشو قبل ما يدخل الوقت الحرج وكان في مكان عام أو بالأصح في الشارع ولو في راجل إعترض على تصرف وليتو بالفهم دة ابقى يراجع نفسو ( وكل شيخ عندو طريقة )

المبارك كيفك ماقصرت ويدك العافية على ردك لي لوست سول ومن غير تعقيب

تايسون.. احييك على نخوتك جدا..

الباقين:
فهمي للكلام ده ان كان صح... تايسون شاف مواقف ومناظر.. حركت فيهو حاجة لو ما موجود في باقي الرجال فعلى الدنيا السلام

موضوع خير الامور اوسطها والكلام النص نص ده بيكون في الاوضاع العادية..
بس نحن من زمن طويل في حالة حرب؟.. اقتصادية واجتماعية.. حرب دينية
ولو عملنا فيها متحضرين .. يبقى الدين والرجالة فعلا ضاعت
ووالله العظيم.. ودي المرة التانية اكتب الكلام ده..
والله انا لاقيت مواقف لو حكيتها بالتفصيل.. والله ما اظن في شاب هنا تاني يتزوج اذا صدق كلامي..
بس عشان بقول الدنيا لسة بي خير.. وعشان ما ننشر عدم الثقة بين الناس.. بنسكت بس...
ومافي سبب ضروري يخلى اختي بعد المغرب تطلع من البيت لوحدها.. اذا اتوجد السبب بكون انا او اي من اخواني معاها..
اذا كان حتى الصلاة ربنا قال ليها انو مخدعها احسن مكان ليها فما بالكم بالافل من الصلاة
واللبس الضيق اذا انا موجود او انا (((ميت))) ما عندو مبرر.. ولو اختي عملتها حا يكون ده اخر يوم تشوف فيه الشارع(( وممكن تقولوا متشدد لا اي مصيبة تانية بس ده الراي الارق عندي))
وطلوعها 12 ساعة برة البيت اكيد عندي مستحيل اللهم الا تكون في بيت واحدة من خالتها او عماتها تاني مافي اي خيارات
موضوع المسلسلات ده الموضوع الانا بالجد مخوفني ومخوف اي زول عندو غيرة على تقاليدو..
لانو التلفزيون بقى هو المسيطر على ثقافة الشعوب.. واسالو علي سعد
بس انا برضو ما بحضرها... ولو جات لقطة في فلم بسحبها بس واتابع الفيلم..



عموما اتمنى انو الناس ما تهاجم تايسون ساي وتفكر في شكل السودان الناتج من سياسة ((( الوسطية))) والنحن ماشين بيها

لك التحية اولا اخ تايسون


اول حاجة الانسان اذا ما عندو غيره مافي فايده من حياتو


تاني حاجة حكاية الرجالة بتاعت الزول البولع سجارتو وابوه بناقش فيهو

دي ما رجالة دي قلة ادب وكلام فارغ و عقوق للوالدين


اما مسالة اختك واللبس والطلوع الي اخر الكلام

والله مجرد التفكير فيها ساكت يجيب اجلك


اللهم احفظ ولايانا



واخر حاجة الرجالة مواقف اخ تايسون

سلامات تايسون موضوع شيق وجميل

أحييييييييييييك

اما عن مسألة الرجالة دي فالله يكون فى العون ويحفظ بناتنا

والمسألة دي كلها من أصلها بتقيف على اختك وتربيتها من اولياء الامور ، صدقتي البعد عن الدين بلعب دور مهم وايضاً التربية تلعب دورا ،،اما الحل في رأي فهو الرجوع الى الوراء من نقطة البداية من البداية ومنذ نشأة الابناء وتربيتهم من الاساس على الاخلاق الحميدة والمراقبة الشديدة من قبل الاهل لاولادهم حتى لو كبروا التأكد من اصدقاء ابنائهم انهم اصدقاء خير وصلاح وليسو اصدقاء سوء
بعد دااااااك العوجة ما بتجيها والله
ولكم سلامي

ودعواتي لي ولكم بالصلاح

وجزاك الله كل خير على الموضوع المفيد














ت:ويا ود الموووووية انا والله بتفق معاك 500 / 100 على كلامك وربنا يحفظ اخواتك يا رب

يسعد ربي ايامك....
اخوي تايسون احيك ع الرجولة والنخوة الموجوده فيك....فكما يقال(الرجل الذي لا يغار منزوع البركة)
فأحيك ع غيرتك وخوفك ع بنات ادم عموما وع اخواتك خصوصا....

وانا متأكده انك شفت اوسمعت حاجات عن بنات ادم بس هي في الحقيقة مش شاملة علينا كلنا هي مقتصره ع فئة رفعة عنها الرقابة وخلت من التربية...
وصحي نحنا في زمن عجب العجاب بس الحمد لله فينا المحافظة ولسة عارف ربها..
....
أختك الساعة 10ليل حايمة في الشهدا (اي كان السبب)
عارف نخناا اكتر اناس بنتأذه من الجكاية دي لانو جد مرات ما بنلاقى مواصلات ومحاضراتنا بتخلص 8..وانا ساكنة بعيد فلازم اتأحر واخوي صعبة جدا يجيني بحكم شغلو
وانا بحب دايما اصل البيت قبل المغرب وريني الحل؟؟؟؟

أختك لابسة تشيرت بمساعدة صديق من الضيق وبنطلون او اسكريتي(تنورة)خاشي بي فازلين وحايمة
انا بشمئز من البت اللابسه كده فما بالك انت والحكاية تربيةوسلوك فردي...ومرات البنات بيلبسو كده عشان ما يواكبو الموضة)وماعارفه موضتم دي حتوديهم لوين)...
وانا اذا لبست شي بحب اول اوريها لاخواني عشان اشوف نظرتم ليها كاولاد حتى بعد داك البسو...واذا عندهم تعقيب بيكون بطريقة جميلة جدا ومن دون تجريح وبكل وساعة صدر بتقبلو لانهم اخواني وبيخافو علي اكتر مني


أختك تمرق من البيت الساعة 7.30صباح ترجع الساعة 7.30مساء نص اليوم برة البيت ما تسأل منها
انا اذا طالعة بوريهم قباليها بيوم او اضرب اكلمم انا ماشة وين وجايه من وين ومع منو اين كان...لسبب واحد بحب يكونو ع اطلاع بكل تصرفاتي ومرات بحبهم يرافقوني


أختك قاعدة تتفرج في مسلسل نور في السرير وسياتك في الكنبة الجبها
اما بالنسبة للمسلسل دا بكره كره العمى
واذا كنا بنحضر في حاجة وجا شيء عابر كده بتلقى حولنا القناة ووبنرجع نتابع عادي ...(مع انو التوتر بيكون سايد لسه)



وع العموم الرجالة ما قبضة ايد ولاكف تديه ...والرجالة ما طولت لسان وفرض كلام ...
الرجالة اخلاق وغيرة وخوف ع العرض وايد كبيرة حامية

والحمد لله انو لسة في رجال في زمنا دا