يا انوووسة مشتاقين يتخ وكل سنة وانتي طيبة
شفتي بس بالصدفة خشيت الليلة عشان القا ردك الجميل
اها يا ستي طبعا انا لمن رجعت السودان في تفاصيل كدة كنت ناسياها عدييييييييييييل
واتذكرت انو الحجاب بالنسبة لي ا حيكون ساهل خااالص
على كل حال بقيت بتلفلف كل ما اجي مارقة من بيتنا املا في الاجر والله لكن في البيت عندنا ضيوف كدة لو اتحجبت بخسرهم عديييييييييييييييييل ! وهم والله زي اخواني
يمكن دي المشكلة بس حاكتر من الدعا وربك يسهل
وشكرا لكل الشاركو في غيابي

احم احم

مارديتي على تعليقي الاخير
ماتكوني زعلت؟

انا طبعا مولودة ومتربية في السعودية
وزي ما انتو عارفين هنا المجتمع بيفرض عليكي الكلام دة
وكان عادي ما عندي اي مشكلة
بس لمن سافرتا السودان المشاكل بدت تحصل لي
يعني كنتا قاعدة في بيت جدي (يعني بيت العيلة الكبير)
يعني اولاد خالاتي ما قاعدين معانا لكين بيجو فجاة يعني يفتحو باب الشارع عاااادي لا احم ولا دستور
ويجو خاشين ولمن اجري اخش الاوضة عشان اتستر منهم يقولو البت ديمالا لمن تشوفنا بتجري وبيقولو انو عندي نفسيات مع انو خالتي كانت بتقوليهم هي محجبة ..
ولمن اكون نايمة في الاوضة يجو خاشين تووووووووشك ولا ليهم ولا عليهم وانا طبعا نومي فظيع يعني اي شي بيكون مكشوووف
بقيت اتغطى بي ملاية في السخانة ولمن الكهربا قاطعة عشان الغياظين ديل والله ماتتصورو بقيت اكرهم ليك كيف وخصوصا انهم بيقولو عني اني عندي نفسيات.
واللي زاد الطين بلله ولد خالتي التانية جا من السعودية يعيش معانا يعني الاربعة وعشرين ساعة حتى في النوم لازم اتربط في النهاية زهجتا شديد وبقيت مااتحجب منهم بس بالبس الحجاب لمن اطلع برة
واهتمامي بيهو صراحة ما بقى زي اول للاسف
وهسي انا رجعتا السعودية مع اهلي وححاول ارجع لما كنتا عليهو
........................
ومشكورين

أنوسة يا قلب... معقولة بس اكون زعلت منك ؟
كلامك صح ومافيه شي غلط ولا فيه شي يزعل
بالعكس كلامك عين العقل وما اكذب عليك انا فكرت كدة لكن اليدو في الموية ما زي اليدو في النار !! (بقت نار عديل!)
غايتو يا أنوسة ما عارفة اقول ليك شنو بس كتري من دعواتك وبعدين انا الحاجة دي مقتنعة بيها وانا بطبعي الفي راسي بمشيه!!
ربنا يهدي

تخريمة:
مشتاقين !

أرجو أن تسمحوا لي بالمشاركة ...................
دعونا نتحدث عن مجتمعنا في السودان ... أغلب من يدعن الحجاب في السودان سببهن هو نظرت الناس إليهن أو بالأحرى كيفيت التعمل مع الناس بالحجاب ... كيف سأتعمل مع أقاربي ؟ كيف سأتعمل مع زملائي ؟ كيف ؟ كيف ؟ كيف؟.....................
للتعامل مع هذه المشكلة , دعونا نحدد في البداية أولويات و بناءً على تلك الأولويات يمكننا أن نضع خياراتنا ....
ولكي لا أطيل الكلام , دعونا نأخذ الإرضاء كنقطة حوار ,,,,,,,,,,,, هل سأرضي نفسي أم عائلتي أم أصدقائي أم ربي
هنا تأتي الأولوية ..... من سترجح ؟؟؟؟؟؟؟؟؟؟؟
و إذا تحدثنا نظرياً . جميعنا سيقول أعطي الأولوية لإرضاء ربي , ولكن مع الأسف واقعنا يكذب ذلك تماماً.
لنكن صادقين مع أنفسنا , وسنرى التغير ...........


يقول الله تعالى : " وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا (36)" سورة الأحزاب

ليس لاّرائنا وخياراتنا مجال بعد أمر الله .......



قُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ ءَابَائِهِنَّ أَوْ ءَابَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ


و أدع الحكم لكن أخواتي ....
وأعتذر على الإطالة



AL-Jaser

والله كلامك ميه ميه يالجاسر بالجد معاك حق بعد الايه دى ماف خيار لزول و لو خيرونى كنت برضو حاختار الحجاب

نحن السودانيين بنتعامل بي عفوية شديد, لكن ده خطأ كبير. فتلقي المرا واقفة في باب الشارع مع بتاع العدة ولا أي بائع و بملابس البيت و لما يجي زول ماري بالطريق تقول ليه: هي سجمي الراجل!!!!!!!!
ده هو ذاتو شر البلية ما يضحك.
الله سبحانه و تعالي قال: (( فإن قيل لكم أرجعوا فأرجعوا )) هسه في السودان بتقدر تقول لي زول كده؟؟؟؟ و الله يقول ليك تاني عيناً تشوفك تنقد..... و الكلام ده حاصل في معظم الأسر السودانية تقريبا, و آداب الإستئذآن تكاد تكون معدومة عندنا نحن كسودانيين. فصور كتيرة جدا مقلوبة و دايره تتعدل......

السلام عليكم ورحمة الله تعالى وبركاته
الجاسر كلامك جميل وعين العقل
طبعا الكلام ده فكرت فيييه زماان شديد وقررت إنو ما اعمل اي حاجة عشان أرضي غير ربي(وبالتالي أمي وأبوي) ثم نفسي.
صحيح البنات بيتعاملو كدة وعلى قولكم السودانيين بيتعاملو بعفوية شديدة وتقاليد الناس عاشوا عليها من زمان
على قول أهلنا لمن البلد كانت لسة بخيرها وكان التعامل بأريحية. يمكن الناس حتى ما فكروا انو لازم يحموا بناتهم من الناحية دي لأنو أصلا مافي زول ممكن يفكر بالطريقة البفكرو بيها الناس حسة
والله أعلم..
بس في النهاية دي أعراف صعب الزول يتحداها
صعب وحدة تكون المحجبة الوحيدة وسط بنات free لأنها حتحس بالنقص
ممكن تحس انها ناقصة جمال وإنو البنات بينظروا ليها كوحدة (دقة قديمة!)
انا ما بقول انو ده كلو صح أو دي حاجات تخلي الوحدة تتراجع عن الحجاب
الحجاب حاجة جميلة بتحفظ البنت من حاجات كتيرة وتتزايد الحاجة للحجاب في هذه الأيام!!
بي برجع وقول انو الحجاب صعب اذا كانوا الناس الحولك ما مرحبين بيه.. وعندهم فهم تاني
زي (( ده اخوك ما تتحجبي قدامو))
يعني تخيل يا جاسر ويا دافنشي انك تكون المسلم الوحيد وسط مجتمع غير مسلم!! ممكن تكون تقريبا دي نفس الفكرة
حاجة بتحتاج لثقة كبيرة و ايمان عميق
نهايتو يا شباب:
1- ماممكن ننفي صعوبة الحجاب على البنت اذا كان من ناحية تقبل الناس ليها أو من ناحية اللبس في حد زاتو أو نواحي تانية
2- كلنا مقتنعين إنو مافي زول عارف مصلحتنا أكتر من ربنا
وشكرا لكل الناس الشاركوا وياريت ما تنقطعوا

الجاسر مشكور عل مرورك ومشاركاتك الجميلة فعلا كلامك عين العقل
واسمح لي اقول ليك اني قدرت من كلامك اعرف عنك حاجات ما اتوقعتها! مع اعتذاري
وكمان أول مرة اسمع الحديث ده!!
وكويس جدا انو أخيرا بقا ممكن اولاد يشاركو في ممنتدى البنات والعكس (كانت حركة بايخة جدا!)
وشكرا تاني على مرورك

وهذه قصيدة عن الحجاب أهديها لكل الأخوات

إنا سمعنا أختنا شيئا عجاب
قالوا كلاما لا يسر عن الحجاب
قالوا خياما علقت بين الرقاب
قالوا ظلاما حالكا بين الثياب
قالوا التأخر والتخلف في النقاب
قالوا الرشاقة والتطور في غياب
نادوا بتحرير الفتاة وألفوا فيه الكتاب
رسموا طريقا للتبرج لا يضيعه الشباب
يا أختنا هذا نداء الحاقدين من الذئاب
يا أختنا صبرا تذوب ببحره كل الصعاب
يا أختنا أنت العفيفة والمصونة بالحجاب
يا أختنا هذا نباح لا يؤثر في السحاب
يا أختنا صبرا تذوب ببحره كل الصعاب
فالجنة المأوى ويا حسن المئاب
والنار مثوى الظالمين لهم عقاب
والله يكشف ظلمهم يوم الحساب




AL-Jaser

طبعا الموضوع جدا حلو ومثير بس عيوني اختفن من القراية
واااي يا بنات لكن قصة ود عمي ود خالتي دخل علي وانا الحجاب ما في راسي
وببحلق فيني بتحبوها حب دي الحقيقة ما فيها شي
بس الكلام بسيط يا حلوات الحجاب فرض وليس اختياري أفكر وما أفكر
الحمدو لله متحجبة من سابع وفي سنتين تطور حجابي وبقيت أعمل لفات وحركات وووو والله بطلع لافة راسي بطرحتين وتلاتة عاملة ديكوريشن

تسملي فانتا على الموضوع

ويلكم بلو بيرل مشكورة على المشاركة

تحية ليك يا فانتـــــــــــا

على بوستك الهادف ..


حبيت اشارك بي بعض من الراي في حواراتك والمداولة ..

طبعاً انا ما من المتشددين أو المتعصبين لنوع محدد من الألبسة

للسيدات عموماً .. وإنما .. دايماً بحاول أشوف ماذا تحاول أن تخفي المرأة

ولماذا .. وما ذا تحب أن تظهر ولماذا .. يعني ببساطة ..

هل المرأة أو السيدات عموماً بيمارسو نوع من الحوار عبر اللبس أو الأزياء ؟؟

دي نقطة .. أرجو الإنتباه لها ..

النقطة الأهم ( محور البوست ) ..

سؤال بيطرح نفسو بشدة ..

السبب الرئيسي والهدف والحكمة شنو من الحجـاب بالأساس ؟؟

أنا بفتكر تاريخياً كان الهدف من الحجاب ..

(( أن يُعرفنَ فلا يُؤذينّ )) يعني المرأة واضح انها دائماً ( محل عُرضة )

لكل المخاوف من تحرشات أو ملاحقات أو اي نوع من الإزعاج ..

فكان الحل حسب ظرف الحالة نوع معين من الملابس يحجب ( مفاتن )

المرأة .. ويحول دون تجاوب الغرائز مع الظاهر من مفاتنها !!!!


=======

محور تانــي في شكل سؤال برضو ..

البنات البفكرو في الحجاب .. انهن يتحجبو يعني وكدا ..

شنو البيحرك مشاعرم تجاه الحجاب تحديداً .. ؟

يعني بيستشعرو شنو .. وبيؤمنو بي شنو ؟

إذا كان الحجاب دا ( يخلو ) تماماً من المواصفات الإسلامية المعروفة

من كونو فضفاض وغير شفاف أو كاشف .. ولا يبين مفاتن الجسد وهكذا ..

يعني أيه الإرتباط بين بناطلين الجنز الأحزمـة الجلدية والبلاوز المرتفعة لتكشف ( السُرة )

وبين الخمار المربوط في الراس وبرضو تظهر من تحتو بعض خصلات الشعر ؟؟؟

وكذلك كترة الألوان المصاحبة لما يسمى بالحجاب .. هنا بقا مافي الشي الكنا بنقول عليهو

( غير لافت للأنظار ) بالعكس نحن جلبنا الأنظار وخاطبنا الغرائز ..

وبقا حجابنا .. زي لغة وخطاب بينا كإناث والمجتمع الذكوري في منطقة الغريزة تحديداً !

=====

أنا بعتذر للإطالة .. واتمنى إني اكون قدرت أحافظ على وحدة الموضوع الشي الكان صعب علي خالص !

وبكرر شكري ليك يا فانتا ..

والتحية لكل الذين قدمو آراء منطقية وسليمة تخدم مصلحة الفتاة المسلمة !!!



كونوا بخير !