السلام عليكم


حبيت اخذ رايكم في موضوع الشهاده العربيه احس ان في ظلم في الموضوع وطلاب الشهاده العربيه يشدون حليهم ويدرسون وبعد كل هذا تحصيل وقدرات وكلام فاضي

السؤال ؟ليه الظلم والتفرقه بين طلاب الشهاده السودانيه والعربيه




انا في انتظار ردودكم

والله يا كوكي كلنا بنعاني من المشكله دي وانا السنه دي امتحنتا من السعوديه والله بالجد حرام عليهم مفروض يحترموا القرار الاتخذته المملكه تجاه مسيرة التعليم مش يتفهوا بالشهاده بالشكل دا لانو والله نحنا هنا في السعوديه المناهج قويه وممتازة ومواكبه وفيها تجديد مستمر مش زي مناهج ناس السودان القروها اجداد اجدادنا لسه بقروها نا الجيل دا دي ما قضيتنا حاليا صحيح بعد انهاء امتحانات المدارس جلسنا نحنا البنات الى امتحان تحصيلي وقدرات في نفس الورقه ونفس اليوم ام الاولاد السودانيين امتحنوا تحصيلي بس عشان كدا كانت نسبهم احسن بكتير من البنات لانهم كرسوا جهدهم في المناهج فقط اما نحنا جزء منا اهتما بالقدرات لانو جزء غريب على الاغلبيه واتضح الامر انو القدرات ما حتحسب وبعد دا كلو جو خصموا مننا والله الظلم بقا مزدوج لكن الله في وبينصفنا لاننا تعبنا شديد وكان المعامل الضربوا فيهو لي طلاب الشهاده العربيه السعوديه لهذا الهام 918 من الف والله حرام عليهم بعد ال30%الاخدوها من التحصيلي يجوا يخصموا مننا غايتو والله حاله صعبه نحنا بنعتبر الجاليه الوحيده الابنائها تعاني من مشكله التعليم في بلادهم عكس بقيه الدول شوفوا مصر بيمتحنوهم مستوى رفيع عشان نسبهم ترتفع اما نحنا يشوفوا لينا اي حاجه عشان نسبنا تنزل يعني يطبخوا طبختهم ويشوفوا مصلحتهم وين ويعملوا على هذا الاساس والحمد لله على كل حال

وازيدك من الشعر بيت يا امل الغد انتيو عارفين يا شباب وبنات انو السودان هي الدولة الوحيدة العربية الما بتعترف بالشهادة حقت السعودية بعد ما بقت الاسئلة من المدرسين



وما نقول الا الله يعين بس انا السنة الجايا ممتحن