انتي قايلة الـ9 شهور دي بعيدة
هم كلموكم بدري عشان عارفين الطلبة بكسّلوا في فترة من الفترات
-------------------------
يلا في حاجتين بتقدميهم لما تعملي بحث:
1- مقترح البحث Research Proposalودا بكون زي مقدمة وتعريف مختصر بموضوع البحث حقك والخطة الحتمشي بيها.
بعد ما يقروه ويوافقوا عليه.. بتبدي تكتبي البحث..
2- البحث Research الخطوات المهمة في البحث.. وممكن تختلف من تخصص للتاني، ومن جامعة للتانية.
أتمنى دي تأدي الغرض:
- تختاري عنوان محدد للموضوع
Research Title .. ويفضل انك تحصريه في حتة صغيرة
ما تشرّي نفسكمثلا انتي موضوعك عن Low birth weight .. ممكن تختاري علاقتو بالـparental care ..
أو حاجة انتي حابة تربطيها بيه.
- تجمعي معلومات عن الموضوع
Data Collection (مراجع وكتب - مجلات علمية - سجلات من المستشفيات (إحصائيات) -
مواقع علمية موثوقة من الإنترنت) .. ودي عملتيها زي ما قلتي في الأول.
- الغرض من البحث
Aim of Research .. عايزة توصلي لشنو من البحث دا ؟
تثبتي إنو في علاقة بين كدا وكدا .. أو دا بيأثر على دا وهكذا.
- أهمية البحث
Research Justification .. ليه اخترتي الموضوع دا بالذات؟
دي مهمة وبتأكدي أهميته بكلام مثبت من المراجع العندك.
- تاني الفرضيات أو أسئلة البحث
Research Hypotheses / Research Questions ..
Air pollution affects low birth weight incidence (hyothesis). or
(Does air pollution affects low birth weights incidence? (question
- منهجية البحث
Research Methodology وهنا بتوصفي الحتعمليه بالضبط.. من اختيار العينة sample وعددها وحتجيبيها من وين ..
وأداة البحث (إذا كانت استبيان questionnaire/survey - مقابلة مع الأمهات interview - إلخ) ..
لغاية طريقة تحليل البيانات الحتجمعيها data analyis .. والزمن المحتاجة تخلصي فيه.
* ديل تقريباً المحتاجة توريهم حسة للمشرف. بعد ما تظبطي معاه الكلام الفوق كلو
بتبدي تحليل البيانات والمعلومات الجمعتيها Data Analysis .. وتكتبي وصلتي لشنو Results & Discussion
وتعملي توصياتك Recommendations .. وترفقي المراجع References ..
وخلاص