فواكه سكر بس ههههههههه

lost soul · **مرسل:** الجمعة ديسمبر 26, 2008 5:14 pm

بسم الله

نجيب فواكه
تفاح
فراولة
كيوي
موز
تين
جوافة صغيرة

وسكر
موية
ليمونة

روح موز مثلا او فانيليا ( دي قاطعاها من راسي غايتو )

طريقة التحضير

عمل الشيرا

والشيرا ثابتة لاغلبية الحلويات بسبوسة مثلا كنافة

الشيرا :
شوفوا انت ورغبتك مثلا كبايتين سكر مع نص كباية موية يعني الموية ما تكون كتير

وتختهم على النار وتحرك وتحرك لحدي ما الموية والسكر يبقى ليهم قوام لكن ما تقيل شدييييييييييييييييد بس برضو يكون في قوام ( للبسبوسة والكنافة ممكن يكون ما عندها قوام عشان تسقيهم ويقدروا يشربوها )

يلا قبلي ما نطفي النار نعصر نص ليمونة صغيرة فيها عشان السكر ما يجمد

ونرفعا من النار نخليها تبرد شوية

نجيب الفواكه دي ونبدا

نشيل قطعة الفاكه ونغمسا بالكامل في الشيرا التقيلة ونطلعا نختها في صينية ما بتلصق او في ورق زبدة لانو ما بيلصق
نرصها ونخليها فترة لحدي ما تجمد تماما
وبالهنا والشفا

ما عارفة يا علي قصدك دا ولا قصدك شراب فراولة البيختوه مع البانكيك

Ali_Saad_Ali · **مرسل:** الجمعة ديسمبر 26, 2008 6:24 pm

بس ياهو زاتو لكن بشكل مختلف
الانا قاصده بيكون عامل زي الاناناس كدا لكن فراوله
يعني بيكون معاها مويه بسكر برضو
الفراوله بياكلوها بالمعلقه بتكون عايمه في مويه حمره :05

lost soul · **مرسل:** الجمعة ديسمبر 26, 2008 6:29 pm

يلا دا شراب فراولة

معناه بتعمل السكر اول شيرا وترمي فيهو الفراولة هههه

MisS_GreeeN · **مرسل:** الجمعة ديسمبر 26, 2008 7:27 pm

ياجماعه انا كان ما شفتا صور الاكله ما بتشهى واتشجع واجربااااا :arrow:

المره الجايه ارفقو صور يا منال العالم انتي
انتي عارفه لكن من يدك اكيد بتكون حلوه..اعمليها ورسليها لي :05

lost soul · **مرسل:** الأحد ديسمبر 28, 2008 3:06 pm

مس قريين

خلاص المرة الجاية برفعا ليك يا عسل

انتي قولي جاياني وانا اجهز ليك ما لذا وطاب اطلبي واتمني بس

تسجيل الدخول

فواكه سكر بس ههههههههه

الموجودون الآن