يسعد مساكم صباآيا...
وبالجد موضوع حلو شديد ورائع ...
انا عندي وصفة سرية ..
...وصفة بتاعت تورتة .. خطيييرة وانشاء الله حتعجبكم ..
المكونات ::
شوكولاتة الكاكاو ..
زبدة ..
كوب حليب ..
كوب ماء..
كوبين سكر ..
كوب زيت ..
كوبين دقيق .. او كوب ونص...
ملعقة صغيرة باكنج بودر ..
ذرة ملح ..
ملعقتين صغيرة فانيليلا ..
نص ملعقة كربونات الصوديوم ...
=========
الطريقة :::
نجيب حلة ونخت كوب حليب فيها وكوبين سكر ..وكوب زيت وتلاتة ملاعق كاكاو ..
ونخلطم واول ما يبدا يفور اطفي النار بس اعملو حسابكم ماتخليهو يفوور ..يعني اول ما تبدا تظهر ليكم فقاعات وكدة
..
ونجيب صحن وننخل الدقيق ويكون كوبين ...ونخت معاهو ملعقة باكنج بودر وملعقتين فانيليا ..وذرة ملح ...ونص ملعقة كربونات الصوديوم ..
واول ماالخليط يبرد نضيف عليهو كوب موية ويكون بارد شديد ونخلصو ..بعدين نخلطو مع الدقيق ... بس ما تصبو الخليط فيهو دفعة وحدة شوي شوي ..
بعدها تختو 3 بيضات ..وتخلطيهم..تدهني الصينية بالزبدة احسن .. وتختيهم ف الفرن ل مدة من 10 - 15 دقيقة ..
وبعدها اول ما يستوي نطلع الكيكة من الفرن ...وشكلها حيكون حلو ..طبعا عشان تعرفي ا
و استوى ولا لا ..تجيبي عود ولا شوكة وتشوفيهو ..
تطلعيها وتخليها تبرد ..انا غايتو بخليها ف الفرن عشان ما تنشف وكدة ..
دة كان بالنسبة للكيكة ..
===============
اما خليط الشوكولاتة ::
تجيبي حلة صغيرة وتختي فيها 4 ملاعق زبدة او 5 حسب الرغبة ...وتلاتة ملاعق كاكاو ..وكوب سكر ناعم ..
كوب السكر يكون صغير شوية ...
وتختي فيهو ملعقتين ولا تلاتة حليب سائل ..أااي ملعقتين
...
وتختي الحلة فوق حلة
يعني تجيبي حلة وتختي فيهو موية
وتختي الحلة الي فيها المكونات فيها ..لاازم تعملو كدة
عشان تطلع ليكم حلوة..
وتخلطيهم ماتخليهو ف النار لمن يتحرق ...ولا يفور
مجرد ما تشوفي المكونات امتزجت ..تطلعو من النار ولمن يبرد ..تختيهو ف الخلاط ..او ازا عندك مضرب تضربيهو بس الخلاط اسهل ..
حيكون ليك تقييل وحلو ف نفس الوقت .. وتختيهو ف التلاجة لمدة من 5-10 ..
طبعا الككيكة حتكون بردت ..تطلعيها وتغطيعا بالشوكولاتة ..حتطلع ليكم يم يم يمييي
..
بالصحة والعافية ...