المقادير

طماطمتين+3 حبات توم كبار +دكوة حسب ما انت عاوزة الملاح يتقل قدر شنو+بصل محروق (مكشن) +لحمة مفرومة لو ما عندك شرموط


طريقة العمل

نكشن البصل في النار مع اللحمة المفرومة ما تحرقيهو شديد يعني يا دوبك لون زهبي كدا

بعدين في الخلاط نخت جميع المقادير ونقومنديه خلطة ونكب عليه لبن رايب(مراعي) او روب

بعدين في النار نكب في الحلة زيت ونكب الخليط حيكون تقيييييييييل بس بنخففو باللبني الرايب او الروب

ونديه صلصة وملح وكزبرة ويايرت حبة زنجبيل مطحون

بعد ما ينضج شوية نعمل ليه ويكة زي ملعقتين وانت بتفركي ااو بتضربي بالمضرب


يلا نصيحة ..................

الويكة ابدا ما تخليها في النار اكتر من الوقت البتكتيحها فيو يعني انت كبيتيها وبتضربي انقول دقيقة بس وتطفي النار حتي لا تنقطع وتفقد خاصية اللياقة

بتاعتها


تانيا اي طبيخ اذا كان سوداني يعني سر النكهة الجميلة يقع علي عاتق الزنجبيل والتوم بيظبطو اي اكل وبدوهو طعم جمييييييييييييييل


ونجيكم تاني باذن الله

بعمل نفس الحركة دى وكل المقادير وعلى الخلاط بس من غير لحمة ولا ويكة

بدل الويكة ممكن حبة دقيق بيلايق زى الهناى.. وكمان لونه بكون بصلي مذهب



تسلم ايديك ياخ

فولة يا عسل طبعا اكتشفت انو حكاية الدقيق دي بتبدي من ناس مدني وانت ماشية

ابتداءا من وسط السودان الناس بتعمل دكوة بدل الدقيق وطعمو اجمل من بتاع الدقيق

جربي طريقتي دي واديني رايك


ذكرتيني وحدة جارتي من بنات بحري كانت بتعمل قصة الدقيق يلا في الفطور بتاع رمضان راجلها زعل منها شديد خلاس

قال الملاح قدر ما حنسوهو عشان ينزل من الكورة حلف عصب ياخ جنس تعصب


دا بسبب الدقيق