س و ج ابحـث قائمة الاعضاء المجموعات شارك نبذة عن ادخل لقراءة رسائلك الخاصة دخول

حلمنتيش2

 
هذا المنتدى مغلق فلا تستطيع نشر، الرد على، أو تعديل المواضيع هذا الموضوع مغلق فلا تستطيع الرد على أو تعديل الموضوع    منتديــــــــــــــات ASA فهرس المنتدى -> نادي التسلية
مؤلف رسالة
رد مع اشارة الى الموضوع
  عمار البرياب نشرةارسل: السبت اكتوبر 18, 2008 7:02 pm    موضوع الرسالة: حلمنتيش2


  عضو فاعل
  عضو فاعل


  شاركت: 23 اغسطس 2008
  نشرات: 24
  المكان: قطر


اريدك كيف ...اريدك كيف وبيتكم انتو سابع دور
وريحة كلبكم ريف دور . أريدك كيف
انحن البيتنا جمب الخور وبيتنا الديما قاطع نور
ملاحنا الفول كمان بنحلي بالعجور
اريدك كيف يا زينة بنات الحور
انحن حياتنا مختلفة وقتين تقعدوا في الصفرة
وكل واحد حداو صحنو
عجب والله ورانا الزمن محنو
فرق شعب في وطنو
دا ما الخلي الحسن هاج فوق أخوه وطعنو
أريدك كيف وانتو بتاكلو بالشوكة
تغازلو اللحمة في السرويس تهبشوا صلطة المايونيز
وطبعاً دا كلو بالشوكة
ونحن ملاحنا مفروكة وبنعجنة كسري بي ويكة هنديك يمه بت الزين تعوس الكسري في الدوكة وتزيد خمار عجينة دقيق وتقولنا كسري مبروكة
دقيقة زواره في الشيخة هديــــــــــكه بهايمه مفكوكة
بتعوس يمه عقب لا تكل ولا بتمل تضاري دموعه بشوقه وقت الصاج يحر يسخن تهديهو يمه بروقه وتجيب معراكته وتمسح وتطعن فوقه طايوقه .
طبق الكسري يتندل تضاريو يمه بتوبه عشان أحمد وقت يقطع بجز الكسري من فوقة ويابه الجاي من شغلو وعارف الشاري سبلوكة بتسمع فوق سكاتو انين تحس في حلقو ديك العبرة مخنوقة
يشيل احمد يعاين ليهو تكنو بيشك في يوم باكر ويجر سبلوكتو بروقة ويصلي صلاتو ويستغفر .
تروح العبرة مفكوكة يصيح ليمه بت الزين هياااا ست البنات بسرااااع بطنا مطقطقة عروقة .
ونقعد في البنابر ديك بطنا الخاويه بجوعة
نبلع لقماً تحلف تقول ضفدع متلب جو بالوعة
بنبلع ومافي زول بمدغ سخانة الويكه والجوعة
والايد ماشه مرفوعة و ويكة سايلة لكوعة
نقوم من الاكل شله وجماعة وما اظن شبعو
هديــــــكه بيكابسو في الحله لكن ماهي كسري بي مويه من الزير أو القلة بنفرقة تمله بستله وهو انحن ملاحنا دا بنسمي ملاح
أريدك كيف وانتو ملاحكم التفاح يمين باباكي لو شافني ببلع في لقمة بلع صاح يحلف يقو جد دا ما زول دا تمساح
انحن خشمنا وقتين ينفتح تحلفي تقولي بس يتمزع ما بتمزع طق..طق..طرق بصل الاضان ممكن كمان يدخل ضلع .
أريدك كيف وانا كراعي التقول مكوه وقت احلم .. بحلم بأوقات في الغالب تكون بلوه .
أريدك كيف .. وكيف يتحب زول فطموهو بالقهوة .. وكيف يتحب زول فطموهو بالقهوة
_________________
عمار علي قمبور
( البريابي)

استعرض نبذة عن المستخدمينارسل رسالة خاصةارسل الرسالةانتقل الى صفحة المرسلAIM عنوانYahoo MessengerMSN Messenger
رد مع اشارة الى الموضوع
  blue eyes نشرةارسل: الاحد اكتوبر 19, 2008 8:59 pm    موضوع الرسالة:


  عضو فاعل
  عضو فاعل


  شاركت: 26 اغسطس 2007
  نشرات: 195
  المكان: معاكم وبس


ههههههههههههههههههههههههههههههههههههه


والله يا مان رهيبة جدا مشكور على المرور




تفبل مروري icon_arrow.gif icon_wink.gif
_________________


لا تقل يارب لدي هم كبير ولكن قل ياهم لدي رب كبير

استعرض نبذة عن المستخدمينارسل رسالة خاصةارسل الرسالةMSN Messenger
استعرض مواضيع سابقة:   
هذا المنتدى مغلق فلا تستطيع نشر، الرد على، أو تعديل المواضيع هذا الموضوع مغلق فلا تستطيع الرد على أو تعديل الموضوع  منتديــــــــــــــات ASA فهرس المنتدى -> نادي التسلية جميع الاوقات تستعمل نظام GMT + 3 ساعة
صفحة 1 من 1

 
انتقل الى:  
لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى
لا تستطيع تعديل مواضيعك في هذا المنتدى
لاتستطيع الغاء مواضيعك في هذا المنتدى
لاتستطيع التصويت في هذا المنتدى


Powered by phpBB © 2002, 2003 phpBB Group
تعريب وتطوير phpBBArabia
...( Design & Theme par yassineb )...